Kawl ralhraang pawl Inn ah tlung uh timi catar phah in KNU in ralhraang pawl an nuai

KNU cun an ukmi tatmaha 5 hmunram ah lut lo dingin hmun hranhran ah Kawl ralhraang pawl ralrinpeknak capi an tar ih an ramri a nor tu Kawl ralhraang pawl cu nasatak in an rak do.

July thla sung lawng ah KNU uknak Mutaw (Papun) District, tatmaha 5 hmunram ah KNU-KNLA le SAC ralhraang voi 133 an kapaw ih ralbawi pakhat telin ralhraang 65 an thi ih hlei ah mipum 100 luan in hrim an tuar tiah KNU tatmaha 5 thlatin report suahmi ah an tarlang.

KNU ṭuanvonei mipakhat cun “kan hmunram in nor ih catbang loin cangvaihnak an nei ruangah kan kap mi a si. Doawknak ah kan ralkap 3 hriam an tuar. Khua mi pakhat a thi ih hriam tuar 4 an um” tiah KIC hnen ah a sim.

July thlasung ahcun SAC ralhraang in inn 5 an urkang ih, khuasung bat ih meithaltum an kap mi in inn pakhat a siatsuah tiah KNU tatmaha 5 report ah an ngan a si.

May le June thla khalah KNU tatmaha 5 hmunram ah KNLA le SAC ralhraang voi 500 kimzik an kapaw ih
May thla ah mipum 128, June thla ah mipum 156 ti`n thla hnih sungah SAC ralhraang 284 an that.

July thla ih ralhraang an kah thatmi mipum 65 siar telin thla 3 sungah KNU tatmaha 5 hmunram ah SAC ralhraang 349 an that a si.

Leave a Reply

Your email address will not be published. Required fields are marked *