Karen ram ih kaihmi SAC ralkap pawl an lungfim vuarvi

SAC ralhraangbawi Min Aung Hlaing le ho pawl in an kut thuai ih ralkap pawl ziang an siar lo zia cu mipi in kan thei tlangpi nan, lenglam pehtlaih khammi SAC ralkap tenau ṭhenkhat cun ziangmukmak thei loin an pu le pawl bum an tuar.

KNU le hriamkai ṭangrual pawlin Thae Baw Boe SAC ralhraang sakhaan an la ṭum ih kaihkhihmi SAC ralkap ṭhenkhat khalin tuṭum lawngah SAC ralhraang lungput dik an thei fiang ih in ra hruai a si khalle kan kir duh nawn lo tiah an rel.

Karen ram, Thlanglam Myawaddy, Thailand-Myanmar ramri ih um Thae Baw Boe SAC ralhraang sakhaan cu May 17 ah KNU le hriamkai ṭangrual pawl in an kap ih May 18 ah an lak suak.

Cumi ah nungdamin SAC ralkap 7 an kai ih cupawl cu mipi ralkap in ei-in sinfen tiang an pe ih ṭha zetin an zoh khen.

Cupawl thuhla cu online ah a darh nasa ih ralhraang lam cun an mizia keelten kan ralkap an si lo ti`n thuthang an theh darh.

Ngaihven cu sim lo, KNU ralkap le PDF pawl in khawmi an kai ih Lem an cangter menmi a si ti`n an ralkap pawl cu an phat san.

Kaihkhih tuar SAC ralkap pawl in cuih thu an thei cu an tuar na zetih in ra hruai a si khalle kan kir duh nawn lo ti`n an rel suak a si.

Tanglam ah VIDEO zoh ……

Leave a Reply

Your email address will not be published. Required fields are marked *