Kalaymyo, Myittha tipi ih tla that raltlan ruak ṭhenkhat an phorh thei zo

April 27, Kalay peng doawknak boruak ah sahimnak hawlin ralkiantu mipi pawl zawhmi Myttha Lilawn a cat ih nauhak telin mi 10 lenglo tisung ah an tla that tiah theih a si.

Thuthang a suak pek ahcun mi 6 an thi tiah theih a si nan, a hmun ih umvetu mipakhat cun 10 lenglo an thi ding zum a um thu a rel ih miruak 4 an phorh thei zo a ti.

“Lilawn cu Doe Nwe khua nisuahnaklam Myattha tipar ih don mi a si. Ṭhal le Thlatang ah Lothlo pawl zawh theih dingin Rua thawn tuahmi a si ih mitampi zawh a tlin lo.”

“Kahdonak a um ruangah ralkhat hramlak ah beu tumin thliphur phah le mawṭaw cycle tivek thawn mitampi`n an zawh lai ah a cat mi a si.”

“Naupawklai nupinu telin mitampi an tlak ih 10 hrawng an thi ding tiah ruah a si. Boruak a sosang deuh lai ruangah mino kum 16-17mi ruak 4 lawng an phorh thei lai” tiah amahcun a rel.

Zinglam ih kan rak tarlang zomi tanglam ah na siar thei ……

Original Post : Raltlan pawl zawhmi Lilawn a cat

Kalay peng doawknak boruak ah sahimnak hawl ih ralkiantu mipi pawl zawhmi Lilawn a cat ih ti sungah mi 6 an tla that tiah theih a si.

Tuni, April 27 zinglamri ih thil thleng a si ih Chindwin tipi thawn pehawmi Myittha tipi Lilawn an zawh lai fangah a cat ih nauhak telin mi 6 an thi tiah tualsung hrambun media pawl in an tarlang.

“Caan tawi hrang Rua thawn tuahmi Lilawn a si ih mawṭaw cycle thawn an zawh lai fang ah a cat.”

“Doawknak boruak a sosang deuh lai ruangah miruak pawl an sar thei hrih lo” ti`n ramsung media pawl in an tarlang.

Lilawn a cat laifang ah minung ziangzat hrawng an um ti cu tarlang a si lo ih, tidai fenmi ah nauawkkai Nu khal a tel ti`n an sim.

Vanduainak tongtu pawl cu Kalay peng, Si khawmi le Doe Nwe khawmi an si ding zum a um ti`n Zalen thuthang in a tarlang.

Leave a Reply

Your email address will not be published. Required fields are marked *