Kalaymyo ih Mi 4 That Tuar ṭum Video tawi puut darh

June 19 zaan thim hnu ih Kalaymyo, Inyakung veng ih um U Win Zaw Oo te innsang siim an tuar lai video cu internet cahmai ah a darh ih mipi lakah hmuhdan phunphun a suak.

An buai pek ih thuthang suakmi ahcun SAC ralhraang ih siim tuar si in tarlang a si ih, hih zaan ah mi 4 that an tuar.

U Win Zaw Oo te innsang ah a nupi, fapa 1, fanu 1 le Tu2 thawn mi 6 an um tiah theih a si ih that tuar mipali cu innteekpa U Win Zaw Oo, a nupi Daw SanSanMaw, an fapa kum 23 mi Ko TiHahAung le an tupa kum 35 mi Ko ZawZaw te pawl an si ih meithal hriamtuar mipahnih cu inn luhhnawhtu pawl in an hruai cih.

Ziangruangih that tuar an si ti cu theih fel a si lo ih, kiangkap veng hnen pawl cun SAC ralhraang cangvaihnak si ding zum a um thu le siim tuar U Win Zaw Oo tei` innsang thilri pawl ralhraang mawṭaw thawn an phur lai an hmu thu an rel a si.

Venghnen kiangkap pawl simdan ah U Win Zaw Oo te innsang hi USPD ṭantu an si nan rampi a buai thok hnu, mino pawl cangvaih nakah lamziin khamnak in maw, an inn thilri tivek hmangin Dothleng cangvaihnak ah an cangvai ve ṭheu tiah an sim.

Video puutdarhmi zohin mipi lakah hmuhdan phunhnih a suak.

SAC ralhraang lamṭang pawl cun mi siimtu pawl cu ralkap thuamhnaw khal an hruk loih an meithal kengmi khal Lai meithal vek a si. Cuih tlunah ralkap cun ziangtiklai khalah uniform thawn ralkap buut an hruh tel cih. Video langmi ahcun ralkap buut khal an hruh lo. Curuangah mithattu hi PDF lole pawlkomdang an si ding tiah an zumhmang an sim.

Mipi lam in hmuhdandang relvetu pawl cun “SAC ralhraang in mipi lungbuaiter duhin an cangvai hrim mi a si. PDF lole hriamkeng pawlkom ṭhenkhat cu khuasung rori ah lang hngan in an cangvai lo ding. Curfew lai a si thawn a bur ih cangvai ding khawpin ruahnak neilo an si lo” tiah an sim ve thung.

Tlunlam tarlangmi video na zoh thei lole hinah hmetKalaymyo Tualthahnak

Leave a Reply

Your email address will not be published. Required fields are marked *