July 16 ih thil thleng ding thu ah SAC ralhraang thuthup puut darh

Thaizing, July 16 ah Myanmar Airways International vanzam thawn Yangon ihsin Dubai lam pantumtu khual tlawng pawl lakah SAC ralhraang in kaihkhih tummi a nei ih cumi hrangah timlamnak an nei cia tiah thuthang a suak.

Cumicu sunglam thu theitu Hram pakhat in Journalist Mratt Kyaw Thu hnen ah a sim thei mi a si ih Mratt Kyaw Thu cun vanzam a suak ding nithla le Vanzam number khal a pholang cih.

Yangon ihsin Myanmar Airways International vanzam totuding hi mipum 134 an si ih cumi lakah Japan le India ram mi khal an tel tiah Mratt Kyaw Thu cun a tarlang.

“Mipi zawn ruat in SAC ralhraang cangvaitumdan ka tarlang hi a si. Curuangah, a thupibik cu kan him lo tiih kan ruat cun ralring ten um tum cio uh si” tiah Mratt Kyaw Thu in a ti.

Mratt Kyaw Thu cu leitlunhuap Journalist hminthang a si ih Kawlram a buai hnu, SAC ralhraang ih kaihkhih tummi lakah a tel ve ruangah ralkian dinhmun in atu ah Spain ram ah beunak hawl in a um a si.

Leave a Reply

Your email address will not be published. Required fields are marked *