Humhimaw an tum cu an mah thih nakah a cang riangri

Kayin ramkulh, Ba-an peng, Kawyin khuami innsang member 4 cu Bomb le puakkuai thei lak ihsin humhimawknak ding hrang ih an laih mi khur sungah thawsam in an nunnak a cem tiah theih a si.

October 9 zinglam nazi 9 hrawngih thil thleng a si ih miruak phorhnak ih telvetu mipakhat cun “ဒေါ်တင်လှိုင် (kum 63), နော်မြစိန် (kum 39), နော်တင်လှမွှေး (kum 33), နော်အေးစပယ် (kum 30) pawl an si ih khur sungah thawsam in an thi. Kawngsang that sii an vang mi in Oxygen a ti cem a si thei” tiah a ti.

Mithite 4 cu innsangkhat an si ih Leikhur an lai mi ft 6 thuk, ft 14 kau, a lutnak ft 2 a simi khur sungah thi cia in an hmu mi a si.

“Tlunlam ih lutsuaknak um mi khur cu ṭih a nung zet. Khur sungah Lei ih suak mi thlisia a um ruangah thlithiang lutsuaknak ding tawlrel cia a ṭul. A tlunlam ih sangka um mi khur cu Oxygen lutsuakdan a dik thei lo. Curuangah a sir zawng ih luhnak sangka um mi khur hi a him sawn ih Oxygen lutsuakdan khal a dik” tiah miruak phorhnak ih telvetu hardamnak lam ih thiamsang mipakhat cun a rel a si.

Leave a Reply

Your email address will not be published. Required fields are marked *