Hpakan Leimin ah Minung 20 hrawng hlo

May 15 Hpakan Leivawr ciim ah lungmankhung hawltu amalbik minung 20 hnakih mallo an hlo tiah theih a si.

Leivawr ciim ah hliamhma tuar khal an um tiah theih a siih khuami pakhat cun “hnaṭuan pawl ih sim dan ah minung tamzet an si. Amalbik minung 40 hrawng ih Lei laih lai ah a ciim mi a siih mi pariat hrawng cu Siizung lam ah an kuat zo” a ti.

Leivawr ciimnak cu Seikmu uksuh, Namhmaw khua ah a si ih zaan nazi 8 hrawng ah a ciim mi a si.

Mithi um le umlo khal thufelfai theih a si lo ih zaan thim hnu ih cangvaih ding cu ṭihnung deuh ruangah mihlo pawl khal thaizing May 16 khuavang hnu lawng ah an hawl peh thei ding tiah Kachin News Group in a tarlang.

Leave a Reply

Your email address will not be published. Required fields are marked *