GenZ – KNU thawn hmainor tlangin kan ra kir sal zo

KNU tatmaha 1 thawn Mon ram ah kan lut thlang ding tiih thuthannak neitu Gen-Z ih video tawi thlahmi cun Myanmar mipi a ti lung tho zet.

Video ahcun April 23, Thaton khua ih khadonak ah raldo zir rero lai Gen-Z an tel ve thu siseh, SAC ralkap 11 an that thu khal an sim tel ih commando uniform hruk mipakhat cun “kahdo nakah SAC ralkap 3 kan that. Motor 2 thawn bawm ding ih ra ralkap motor 2 khal kan ciilnuai ih ralkap 8 kan that bet hlei ah hlimhma tuar 20 an luan.”

“Mipi pawl ralring in rak um cia uh. KNU tatmaha 1 thawn Gen-Z pawl kan ra kir sal zo. SAC ralkap ukhruainak ṭhiatbal dingin kan ra pok a si” tiah a au ih Gen-Z mipathum in vansang ah tin in meithal an kap ciamco.

Min Aung Hlaing hohami ralkap in Myanmar kumpi cozah thuneihnak an la hnu ah ramsung um mino tamzet cu ralkap ukhruinak do dingin tlangpar hriamhrei keng pawlkom an kop. Mahte dinsuahmi mipi humtuding ralkapbu din thar khal hmuh ding an tam.

Cupawl cu ramsung ah siseh, Thailand ramri lam khalah siseh, India ramri lam khalah cangvaih danding tawlrel in hmalaknak an nei rero lai tiah theih a si ih ram le miphun hum dingin ziangtik ah an ra lut ding ti cu Myanmar mipi ih atufang thlirbikmi a si.

Leave a Reply

Your email address will not be published. Required fields are marked *