Falam le Kalay karlak ah myone Phungki hotu a hlo

Kalay ihsin Falam lam pantu Lungpi Tlawngto phungki le a mawṭaw tomi cu Kalay ihsin an poksuak hnu, a thaizing tiang Falam ah an thleng thei lo ruangah mihlo dinhmun in thu an than a si.

Falam, Lungpi veng phungkitlawng ih Tlawngto myone phungki hotu cu damlonak ruangah 2021, July thla lam ihsin Kalaymyo, Khonthar khua ah tuamhlawm in a um.

Ṭhatlam a pan ruangah Lungpi ah kir saal dingin December 6, zinglam nazi 11 hrawngin Khonthar khua ihsin an polsuak nan December 7 zinglam nazi 10 tiangah Falam ah thleng thei loin an um. Cuihtlunah phone khalin pehtlaih theih an si lo tiah MRTV ah an phuang.

Tu dinhmun ah ralkap le khuatlang ṭuanvo neitu pawl in an hawl thok zo ih an thuhla theitu cun kaingkap naivaibik cozah zung ah sim thei lohli dingin thu an suah tiah kan thei.

Leave a Reply

Your email address will not be published. Required fields are marked *