Exam an tuah hlan te ah Tlawnginn kiangah Bomb an puah

Tanintharyi ramṭhen, Dawei (ထားဝယ်) peng, Yebyu Tlawnginn ih phun 10 exam an ṭan hlan te ah bomb a puak.

“Exam tuahtuding an lutter zik fang, zinglam nazi 8:40 hrawngah a si ih hriam tuar an um le umlo cu kan thei ciang lo” tiah khawmi pakhat in a rel.

Tlawngta nauhak nu le pa pawl khalin puak kuai thawm a ring zet thu an rel ih “khua pumhlum deuh thaw in puak kuai thawm a thang. Tlawnginn kiangte rori ah ti`n an sim. Nan, zoh an siang lo” tiah upa pakhat in a rel ve.

Dawei palik ṭuanvonei mipakhat khalin “Tlawnginn sungah a puak mi a si lo. Tlawnginn kiang ah bomb an deng ih an tlan. အသံဗုံး a si ih khawngaw le inn siat tivek khal a um lo. Exam khal an nei pehzom cih” tiah a ti.

Bomb puak ruangah palik an cangvai ih kiangkap inn ṭhenkhat an ceek tiah khawmi pawl relmi cu VOM in a tarlang.

Atu ca kan ngan tiangah Bomb puahtu an thei hrih lo.

Leave a Reply

Your email address will not be published. Required fields are marked *