Doawk lai ah Ralhraang SAC ralkap pawl thinphang in an tlan ciamco

Mizaan, April 27, Kalay peng ih an doawk laifang ah ralhraang SAC ralkap pawl thinphang in an tlan ciam co.

Ralhraang ralkap an tlan ciamco lai zuknung tawi cu internet cahmai ah thlah darh a si ih mipi in ralhraang pawl an direm zet.

Doawknak hmun hi khawinah a si ti cu tarlang a si lo nan atufang boruak sosang zetnak Natchaung – Chuangkhuah kiangkap hrawng a si ding tiah ruah a si.

Zuknung tawi ahcun meithal puak thawm a thang ih “khi lam ah an um, an tlan ciamco, ralhraang an tlan lai tulawng ah ka hmu” ti`n kiangkap naivai ih ṭongthawm khal thei a theih.

Atufang hi Kalay peng, Natchaung – Chuangkhuah boruak a sosang ih nitinten kahawknak thawmvang theih ding a um.

Hriamkai ṭangrual pawl thu suah dan ah ralhraang an tuar na ti a si ih, SAC ralkap pawl in Natchaung – Chuangkhuah ih inn 50 lenglo an urkaang ve zo tiah theih a si.

Leave a Reply

Your email address will not be published. Required fields are marked *