Director Wyne kaihkhih tuar dan relfiang

2018 ah “Shwe Kyar” timi zuknung thawn Academy Award (best manuscript) rak ngahtu Director hminthang Wyne cu February 9 ah rinlopin SAC ralhraang kaihkhih a tuar.

Tun Zaw Win tikhalih kohmi Director Wyne cu SAC ralhraang ṭih ah hmun dang ih a relh nak hmun ihsin inn a tlung hnu, a bang hman reh hlan ah ralhraang kut ah a thleng.

Amah hi kawlram mihminthang tamzet vekin pukmah 505 (a) thawn thubuai tuah sak mi a si ih, a relh nak hmun ihsin Yangon, Pazundaung Township, Ward 7 ih a inn ah kir saal in, nazi pakhat hman rei hlan ah ralhraang pawl in an kai cih.

Kaihkhih a tuar dan thu thawn pehpar in a rualṭha tiawtu hminlemhmang mipakhat cun hitin a rel.

“Dothlengnak thapetu ti`n SAC ralkap in 2021 March thla ah thubuai an tuah sak. Inn ah a um nawn lo hnu khalah palik le ralkap in a thupten a inn an haal phahphah. Nan, neta hnu cun a inn haaltu hmuh ding an um nawn lo.”

“Cuvekih boruak a um thawn, hrisello ruangah inn ah a tlung ih, inn a thlen hnu nazi khuai hrawngah kaihkhih a si cih. Pukmah 505 (a) thawn kan lo kai ti`n an sim.”

“Athuhla an thei suak dan cu a inn vehvaitu um nawn lo vekin ralhraang pawl in Lem an cang san. Nan, naivaite`i zohtu Dalan an ret ih, cumi thupeknak ruangah a bang hman reh man hlan ah an kai a si” a ti.

Amah ka mawh thluk tinak siloin, SAC ralhraang kan do tikah ngai neep lo kan zuam cio pei tiah amahcun a rel bet hrih.

Director Wyne cu thahrilam damlonak ruangah damlo besia zetin a rak um dah ih, ralhraang kaihkhih a tuar lai khalah amithmai zoh rorin a damlonak a lang fiang tiah amah hmutu pawl cun an rel.

Tudinhmun ah Botahtaung Township thawnginn ah khumin a um ih, SAC Ralhraang in ziangtin thu a rel sak ding timi cu a sungte pawl ih seherh bikmi ah a cang a si.

Leave a Reply

Your email address will not be published. Required fields are marked *