CNDF le PDF telin hriamkaibu ṭangrual pawl le SAC ralkap doawknak ah ralhraang lam tuar na

Tuini, November 3 ih Kalay peng doawknak ah SAC ralhraang an tuar na ih, mithi 50 kimzik an um tiah theih a si.

Zinglam nazi 7 luan hrawngah Kalay peng, PanMonChaung Lilawn kiangih umhmun khuartu SAC ralhraangrual cu PDF (Kalay), CNDF le ပ.က.ဖ hriamkaibu ṭangrual pawl in kaphnih in an cepreek ih nazi 11 hrawng tiang nasaten an kap aw.

Culaiah Kalay ihsin raldo bawm dingih aratu SAC ralhraangrual cu lamlak ihsin an rak nuai bet ih hmun 2 rorin bomb le meithal phunphun thawn an kap.

Doawknak ah SAC ralhraang an tuar na ih, Kalaymyo ralhraang siizung ah ruak 47 a thleng tiah PDF (Kalay) in official in thu an suah.


PDF (Kalay) thusuahmi ahcun ralhraang kut in khuami 1 a thi thu, mipi lam ah hriamtuar 4 an um thu le ralhraang pawl in နတ်မြောင်း, ‌နတ်ချောင်း, ချောင်းခွ khua pawl an luhcilh thu tipawl an ngan telih “Thlanglam Kalay ah ziangtiklai khalah doawknak a suak thei ruangah sukso ah vak lo ding. Thawmvang ngaicang in a ṭul a si le hmun him ah tlan lohli dingin timtuah cia uh” ti`n mipi ralrin an pe cih a si.

Leave a Reply

Your email address will not be published. Required fields are marked *