SAC ralkap pawl itthat lai ah Cilnuai tuar, Mithi le hriamtuar tam + VIDEO

Tipar ih Lawngpi a siat ruangah tanglam Chindwin hmun pakhat ih umhmun khuartu SAC ralhraangrual an itthat lai ah PDF ṭangrual pawl in nasaten an cilnuai ih mithi le hriam tuar an tam ding tiah zum a si.

Mizaan, December 12 doawknak ruangih Lawng siat sak tuar ralhraangrual cu Sagaing ramṭhen, Kani peng ah umhmun an khuar ih, December 13 zinglam khuavang hlan ah DRPA (Dictatorship Revolution People’s Army) le M&K The boy pawlkom telin PDF ṭangrual pawl in rinlopin an va do ruangah ralhraang pawl cu an cangvai man lo tiah theih a si.

“An nih hi zinglam nazi 2 hrawng cun thawmvang nei loin an itthat zo. Culai fangah meithaltum thawn kan kap cu an umnak hmun cekci ah kan ngah fuh. Ṭap raak thawm a thang ih, kan kah pek ahcun in kap ve nan netahnu cun an cangvai thei nawn lo” ti`n DRPA ih ṭuanvonei Ko Lin in MPA hnen ah a sim.

Cuvek dinhmun a si ruangah ralhraang lam mithi le hriamtuar an tam ding zum` a si ih, mipi humtu ralkapbu lam cu hriamtuar le khawngaw umloten kan him thluh tiah amah cun a rel bet hrih.

Kani peng PDF cun December 12 khalah tipar bomb hmangin ralhraang Lawngpi kan siat sak tiah thu an suah ih, cuih Lawngpi cu Kani peng, Medin khua kiang ah, tuizing December 13 ah a pil fel ti`n KLG PDF (Kani) thusuahmi ah an ngan tel a si.

Ralhraang Lawngpi a pil lai video tawi …….

Leave a Reply

Your email address will not be published. Required fields are marked *