China ihsin Yangon ah thilphur Lawngpi a thleng

SAC ralhraang thawn dawrawlo dingin leitlunhuap human rights lam hnaṭuan siseh, Kawlram thawn pehparmi pawlkom pawl in siar cawk lo dilngennak thu phunphun an suah cingin China ihsin ra mi thilphur Lawngpi cu Yangon tipikap Thilawa Port (Yangon Port International Terminal) ah a thleng tiah theih a si.

Lawng hnungzultu vesselfinder ih tarlang mivek a si le LIN HAI – General Cargo Ship cu China ram, Tianjin Xingang ihsin January 31 ah a suak ih, tuini February 15, zaan nazi 7 hrawngah Thilawa MITT ah a thleng suak ti a si.

Cuih Lawngpi ih thilphurmi pawl cu ralkap le palik pawl in humhimnak lam ṭuanvo lakin tikap hnaṭuan pawl in an phur thiar tiah ramsung rintlak media ṭhenkhat ih tarlangnak thawngin theih a si.

LIN HAI, General Cargo Ship

“Ziang an phur ti cu kan hmu thei lo. Thil phurnak Container tla a um ih truck mawṭaw thar tivek khal a um.”

“Ralkap le palik 20 hrawngin an kil ih hnaṭuan pawl in phur thiar lam ṭuanvo an la. Zaan nazi 9 tiangah thil thar thleng dang khal a um” tiah a hmun rori ih hmutu mipakhat cun MS media hnen ah a sim.

January thlacem lam khalah ralthuam phunphun phurtu Russia thilphur Lawngpi cu Thilawa Port ah a cawl ih zaan thim hnu ah a thup thiar in Ralhraang pawl in thilri an phur a si.

Russia thil phur Lawngpi in athupten Kawlram ah Ralthuam phunphun phur lut

Siarbet : Russia thil phur Lawngpi in athupten Kawlram ah Ralthuam phunphun phur lut

Captain Yakubovich (AZSCO) tiih kohmi Russia thil phur Lawngpi cun athupten Ralthuam phunphun Kawlram ah a phur lut tiah theih a si.

Lawng khualtlawn dan zohhliahnak Vesselfinder cun “Yangon lam a pan ih, January 31 ah a feh tumnak hmun a thleng ding” tiah a tarlang nan, cuih Lawngpi cu Thilawa Lawng colhnak hmun ah January 24 ah a thleng fel zo tiah theih a si.

source – Yesselfinder

“January 24 zaanlam nazi 4 hrawngah သီလဝါ MITT Lawngcolhnak hmun ah a thleng ih Tank, phukpi le ralthuam phunphun an ṭhum hnu ah, a zanzaan`n a kir cih saal” tiah ralhraang thawn naivaitu mipakhat cun a rel.

Hih thu cu ramsung rintlak thuthang ṭhenkhat khalin an tarlang zo ih JFM cun “ralthuam phunphun cu a zaanzaan in ralhraang pawl in an thiar cih ve” tiah a tarlang.

Yangon hrambun ralhraang thuthang tarlang ṭheutu media pakhat khalin “Dagon Thilawa ziin ih Gate 1 ihsin an phur. Tank an phur nak cu mawṭaw 26 a si. Phukpi le meithal dangdang cu mawṭaw 6 thawn an phur. Zaan curfew lai ah an phur mi a si” tiah thuhla cipciar a tarlang a si.

Leave a Reply

Your email address will not be published. Required fields are marked *