Chin ramri Kalay peng ah Ralhraang kut tuar khawmi 22 pawl ih ruak an sar

Kalay peng ah ralhraang SAC ralkap in ni 10 sungah inn 38 an urkaang hlei ah, cuih ni 10 sung thotho ah SAC ralhraang kut tuar khawmi 22 pawl ih ruak an sarsuak thu, Kalay PDF ṭuanvonei mipakhat in a rel.

“Ralhraang pawl cu Kalay peng, Chaungkhuah hrawngah umhmun an khuar ih, Kalay thlanglam ihsin ralhraang thazang an kuat betmi pawl thawn Chaungkhuah kiangkap ah an cangvai” tiah Kalay PDF ṭuanvonei mipakhat cun a rel.

Siarcih : Chin ramri ih sunvu deuh thaw doawknak ah SAC Ralhraang tuar na

Chin ramri ih sunvu deuh thaw doawknak ah SAC Ralhraang tuar na

Christmas hlan ihsin Kalay peng sungah hriamkai ṭangrual pawl le SAC ralhraang nasaten an doaw ih Chin ramri ih um khua pawl ihsin Inn le Lo suahsantu an tam.

Cuvek boruak ah ralhraang SAC ralkap in an hmumi pohpoh an kap ruangah mawh neilo khawmi athi an tam ih atutiang ruak hmu hrih lomi khal an um thei tiah ruah a si.

Siarcih : Finkhawitu um lo miruak pawl cu CNDF in ṭhazetin Vuiliam

Finkhawitu um lo miruak pawl cu CNDF in ṭhazetin Vuiliam

“Doawknak a um lo khalah raldonak Helicopter thawn an cangvai. Umhmun an khuarnak khawsung ihsin meithaltum an kap. Cuvek ruangah khawmi a thi an tam” tiah tualsungum ralkian mipakhat khalin a rel ve.

Boruak a dai deuh tikah mipi humtu hriamkai pawl in hmunram thianfainak an tuah ṭheu ih, Christmas boruak ihsin tuni tiangah ralhraang kut tuar khawmi miruak 20 hnakih mallo an sar zo tiah theih a si.

Siarbet : SAC ralhraang in Chin ramri ih khua pawl Urkaang lala

SAC ralhraang in Chin ramri ih khua pawl Urkaang lala

Leave a Reply

Your email address will not be published. Required fields are marked *