Chin ramri doawknak ah ralhraang SAC ralkap 20 lenglo thi

November 19 : Magway ramṭhen, Saw myone, Kyinlein khua kiang doawknak ah SAC ralhraang 20 hnak ih mal lo an thi ih, mipi humtu lam in hriamtuar CDF 1 le PDF-Saw ralkap pakhat a thi tiah Saw-PDF in thuthang an suah.

“Ralhraang pawl kapmi meithaltum hriam tuar in kan lam ah mipakhat a thi. An lam ah mithi an tam. Kanmah PDF-Saw le hriamkaibu dang ṭangrual in kan do. Ralhraang pawl cun Helicopter hmangin PDF sakhaan tiih an ruahmi hmun pawl ah bomb an thlak” tiah PDF ṭuanvonei mipakhat cun a rel.

PDF-SAW, CDF Kanpetlet, CDF Mindat, YDF Saw&Kyaukthu ṭangrual in SAC ralhraang nasaten an do ih doawknak kiangkap khuami tamzet cun inn le lo an suah san.

SAC ralhraang pawl cun Mi35 raldo vanzam thawn amalbik roket 8 an kap tiah theih a si. Cuihtlunah Lei par khalin meithaltum phunphun thawn an kap nasa tiah kan thei.

Tuvek boruak ruangah khuami tamsawn cun inn le lo suahsan in beunak an hawl tiah ဆော ပြည်သူ့အုပ်ချုပ်ရေး in thu an suah.

Leave a Reply

Your email address will not be published. Required fields are marked *