Sui le Ngun hnakin ralkap lutduhtu hawl hmuh a har thlang – Ralbawi Annka

SAC ralhraang cun paisa kyat ting 25 pe dingin ralkap lut duhtu an hawl nasa nan an hlawhsam lellel tiah sunglam ihsin thu a suak.

Kawlram a buai hlan khalah zirsang dan ih zir in ralkap lutduhtu cu kyat ting 5-10 hrawng thawn an lei tlangpi nan, ram a buai hnu ah ralkap lutduhtu an mal sinsin ruangah pangai hnak i letkhat tam rori cemliam dingin ralkap lutduhtu an hawl nan an hmu cuca cuanglo.

“Ahlan ahcun Ti par ralkap, Thli par ralkap ti`n phun 8 ong, phun 10 ong tivekcu kyat ting 10 hrawng an pe ṭheu. Rate abangaw lo. Nan, tu ahcun zirsang lo pawl khal kyat ting 25 an pe ngam. Cuti cing in ralkap lutduhtu an vang. Sui hnakin ralkap lutduhtu a vang sawn thlang. Sui le ngun cu paisa thawn lei a theih lai” tiah ralkap hawlkhawm dingih ṭuanvo an pe mi hminthup mipakhat cun MPA hnen ah a sim.

Hitiih ralkap lutduhtu an mal nak san cu rampi ukhrui thuneihnak an la hnu ih an ceetcangdan pawl ruangah a si ding tiah amahcun a sim bet hrih ih “meithal kai sim lo, zung ih hnaṭuanbawm tuding hman hmuh a har thlang” a ti.

Ralkap lutduhtu an mal vivo ruangah le ralkap thazaang tla mal vivo phang ah SAC ralhraang cun pangai ih dil theih mi ralkap suak dil theinak daan cu kumpi cozah thuneihnak an la hnu ah camkhat hrang an phit sung tiah theih a si.

Leave a Reply

Your email address will not be published. Required fields are marked *