Bomb kam mi hnawm sar pawl in an lak sakih PDF pawl cangvai khawsuak thei lo

Mandalay ramṭhen, Myitnge myo ih PDF pawl bomb kam mi cu hnawm sar pawl in an rak lak sak ruangah cangvai khawsuak thei loin kyat ting 30 man hrawng bungrua thilri an sung.

April 22, zinglam nazi 9 hrawngih Myitnge-Sagaing ziinpi zawhtuding ralhraang mawṭawtlar pawl bomb puah tumin an kam mi a si nan tumtah vekin an cangvai khawsuak thei lo.

Ralkap sunglam thupeknak vekin Mitnge-Sagaing ziinpi paltuding ralhraang mawṭawtlar pawl feh nak ding lamziin ah အနက်ရောင်သေမင်း tiawtu mipi ralkap pawl in phone vuahmi caan khiah bomb an kam nan hnawmsar innsang pakhat in an thilri an lak sak thluh ruangah mission an hlawh tlinglo.

Ralkap hruaitu ဗိုလ်နောင်လေး cun “Mizaan ihsin timlamnak kan nei cia thluh ih zingkhawvang tiang rori kan hngak. Nan, kan bungrua pawl cu palangsartu innsang pakhat in in phleh sak ih in lak sak. Nauhak le nunau khal an tel. Va kham ding le a cang thei nawn lo ruangah kan zoh liam men” tiah Mandalay Free Press – MFP hnen ah a sim.

Ralhraang 200 hrawng telmi mawṭawtlar bomb puah dingah bomb 30 hrawng timlam a si nan vanduaithlak zetin an hlawh tling lo tiah theih a si.

Leave a Reply

Your email address will not be published. Required fields are marked *