Bill Richardson in ralhraangbawi Min Aung Hlaing hnen ah Thuhlapi 3 tiamkam

US Journalist Danny Fenster thlah zalen ding thu thawn pehpar in bulpak vanzam thawn Naypyidaw ih a ratu Bill richardson le ralhraangbawi Min Aung Hlaing cu November 15 sunhnu ah hmaton thureltlangnak an nei tiah theih a si.

“Hmaton thureltlang nakah thuhlapi 3 an rel. Cun, a hnen ah Danny Fenster kan thlah cih” tiah SAC ralhraang ṭuanvonei ralbawi Zaw Min Htun in NP news hnen ah a sim.

Thuhlapi an relmi 3 pawl cu Kawlram Covid 19 dokhamnak hrang hmalakpi ding, Mihring Lainat bawmawtonnak hrang bawmnak pe ding, SAC cozah le leitlun rampicang pawl pehtlaihawknak tluang thei dingin lamzin sial sak ding tipawl an si ih cumi 3 tuah suak dingin Bill richardson in ralhraangbawi Min Aung Hlaing thu a tiam tiah Zaw Min Htun cun a ti.

Bill richardson le SAC ralhraangbawi Min Aung Hlaing cu kandung November thlathok lam ah hmaton thureltlangnak an rak nei dah zo ih cuih ṭum ah SAC ralhraang kaihkhihmi Danny Fenster thuhla rel tel lo vekin Bill richardson cun a rak rel dah.

Asinan, a tlung saal hnu reilote ah ralhraang pawl in Journalist Danny Fenster an thalh saal mi le Bill richardson in a rak hmuak saalmi pawl cun thusutding tamzet a suakter.

Siarcih : SAC ralhraang in rinlopin Journalist Danny Fenster thlah zalen saal

SAC ralhraang in rinlopin Journalist Danny Fenster thlah zalen saal

Bill Richardson cu US cozah hrang UN palai rak ṭuan dahtu a si ih New Mexico cozah ṭuanvonei dinhmun in kum 10 kim zik, US cozah hruaitu a rak si dah.

Aung San Suu Kyi thawn khal rualṭha an rak si nan, Rakhine ram ih rohingya pawl an that ciamco ṭum ah mipi lam ṭang loin ralhraang pawl a dinpi ruangah kum 2018 ihsin ASSK thawn an pehtlaihawknak a bot cat.

Cuih ṭum in ASSK thawn pehtlaihawknak an nei nawn lo nan Min Aung Hlaing in rampi ukhruai thuneihnak a la tir ah “na thu neihnak hlit lawk in ram hruaitu dingah midang kian lawk aw” ti`n ASSK hnen ah a sim.

Kawlram bawm dingah UN le ramdang cozah pawl bawm dil theih nacingin SAC ralhraang in Bill Richardson lamlam bawm an dil nak san cu “ASSK a rak dem ruangah a si thei” ti`n The New York Times in a tarlang a si.

Siarbet : Ralhraangbawi Min Aung Hlaing in Journalist Danny Fenster a thlah saal nak san

Ralhraangbawi MAH in Journalist Danny Fenster a thlah zalen nak san

Leave a Reply

Your email address will not be published. Required fields are marked *