Suam tuar AYA-Bank mawṭaw ih phur mi cu Bulpak paisa a rak si

Bulpak in siseh pawlkom tvk in bank ih paisa tamtham thun/lak an duh a si le bank lam in mawṭaw thawn paisa thiar ṭuanvo an la ṭheu ih, tuisun september 13 ih suam tuar AYA bank mawṭaw phur mi paisa fai khal cu bulpak ta a si tiah thuthang a suak.

September 13 sun khuavang ah Bago ramṭhen, Intakaw khuapi ih AYA Bank paisa phur mawṭaw cu lamlak in suam an tuar ih a rak khamtu mi 6 cun kyat ting thawng sawmli an lak sak tiah theih a si.

Palik thawn naivaitu hminthup mipakhat cun “traffic palik thuamhawn hruhtu mipahnih le pangai sinfen hruhtu mi 4 an tel. Hriamhrei 2 an keng ih an zaten mi 6 an si” a ti.

Suamhmang hi zo an si ti theih a si lo nan paisa neitu le paisa phur dingmi theiciangtu an si ding zum a um ih suamawknak a suak hnu reilote ah ralhraang pawl in kaingkap naivai ah mithusutnak le mawṭaw vaksukso ceek felnak an nei tiah rintlak thuthang dongtu Mizzama in a tarlang.

SAC Ralhraang in rampi ukhruai thuneihnak a la hnu in ramsung ah suamawknak thuthang theih ding a tam nan suamhmang kaih ngah saal thu hmuh ding a um hruthra lo.

Hminsin : zuk remcang tarmenmi a si.

Leave a Reply

Your email address will not be published. Required fields are marked *