AAPP in Rampi buainak ih nunnak liam le Kaihkhih tuarzo cazin pholang

Ralkap uknak duhlo in lamzawh duhphorh cangvaihnak nei ruangih nunnak liamzo mipum 50 an um zo ih minung 1790 hrawng cu kaihkhih an si zo tiah Assistance Association for Political Prisoners (Burma) in a phuang.

Himi report cu February 1 ihsin thok, AAPP in fumfe zetih ngankhum mi a siih March 7 ah offcial in an pholang mi a si.

Report ahcun “kaihkhih tuarzo 1790 lakah thawngthlak dingih thuáš­hencat sakzo 7, thubuai tuah sakin kaihkhih dingih warrant suahsakzo, hmunhim ih relhtu 70 le luatsuaksal 318 an um” tiah pholang a siih atufang ralkap/palik kut ih um cu minung 1472 an si.

AAPP cun atufang ralkap pawl ih cetcangdan khal nasaten a sawisel ih duhdah zetin mipi hrem rerotu ralkap pawl khal Daan vekih hrem an si theinak dingin international humanrights pawlkom hnen ah nornak a nei rero thu khal a tarlang.

Assistance Association of Political Prisoners (Burma) cu zalen NGO pawlkom pakhat a si ih ramkhel thuhla ruangih kaihkhih rak tuar dahtu pawl ih dinmi rinsantlak pawlkom pakhat an si.

Atufang Myanmar rampi buainak thu khalah ramsung in siseh, ramleng lam khalin siseh theitawk suahin a cangvai ih ralkap ukhruainak ruangih kaihkhih hremtuar cazin khal nitinten a tarlang tumthu a phuang a si.

Ralkap ukhruai dodalnak ih kaihkhihtuar hruaitu/mipi, reporter kaihkhihtuar le CDM cangvaihnak tvk ruangih kaihkhihtuar na thei a si le a tanglam tarlangmi address pawl ah simthei theih a si.

Email : info@aappb.org

Facebook : https://web.facebook.com/burmapoliticalprisoners/

Twitter : https://twitter.com/aapp_burma

Download : Kaihkhihtuar cazin (March 7 update)

Download : Hliamtuar le mithi cazin (March 7 update)

Leave a Reply

Your email address will not be published. Required fields are marked *