AA hriamkaibu le SAC ralhraang biakawknak thuthup pholang

AA hriamkai pawl thawn naivaitu ramdangum mipakhat cun Kawlram Union Day thawn dengawin SAC cozah in AA thawn pehpartu thawngtlak 50 kim zik an thlah ding tiah a rak rel cia bangin SAC ralhraang cun AA thawn pehpartu mipum 40 luan a thlah taktak.

Thubuai tuah sak mi hmuahhmuah tawp terin SAC ralhraang in AA ralkap ṭhenkhat a thlah cu Kawlram mipi an mangbang zet ih, dothlengnak ruangih thawngtlak, mawhneilo mitampi thlah ding an um lai ah an mah ngel kher cu …… ti`n soiseltu khal an tam.

Biakawknak an nei si ding ti`n rinhlehtu an tam lai ah ramdang um, AA thawn naivaitu mipakhat cun hitin a rel.

“Union Day, kumkhuadaih remdaihnak hrang thurel dingah AA palai nan thlah a si le nan dil mi kan lo thlun ding ti`n SAC cozah in kut an hlan hmasa. AA khalin hlawknak lamziin umsun thlah siang loin an let saal lohli ih, an mah thawn pehpartu kaihkhih tuar hmin cazin kuatin, hipawl in thlah sak a si le kan tel ding tiah dilngennak an nei.”

“Kaphnih biakawknak a um vekin meeting kaituding ULA/AA palai UU Hla Saw le General Tun Myat Naing unau Aung Myat Kyaw cu Helicopter thawn an hmuak” tiah amahcun a ti. (Source)

meeting kaitu ULA/AA palai UU Hla Saw le General Tun Myat Naing nau Aung Myat Kyaw

February 12, Naypyidaw ih tuahmi voi 75nak Union Day nipi le kumkhuadaih remdainak tuah ding hrang SAC ralhraang sawm mi rampumhuap hriamkai/pawlkom ihsin SAC thawn kahdocolh hminkhenzotu Tlangpar hriamkai/pawlkom Karen National Union, KNU/KNLA – Peace Council, Democratic Karen Buddhist Association, New Mon State Party, Arakan Liberation Party, Lahu Democratic Union le Restoration Council of Shan State tipawl an tel.

SAC ralhraang thawn kahdocolh hminkhennak nei hrih lotu ah United Wa State Army, National Democratic Alliance Army, Union League of Arakan (ULA/AA) le Shan State Progressive Party tipawl an tel tiah theih a si.

Union Day ah Tlangpar Hriamkai pawlkom ṭhenkhat in an telpi cu MAH a hni siamsiam

Siarbet : Union Day ah Tlangpar Hriamkai pawlkom ṭhenkhat in an telpi cu MAH a hni siamsiam

February 12 ah Naypyidaw ih tuahmi voi 75nak Union Day nipi ah SAC ralhraang sawmnak cohlangin Hriamkai pawlkom ṭhenkhatin an telpi cu SAC ralhraang a lungawi zet.

Ralhraangbawi Min Aung Hlaing in thurelnak a nei ih “sawmnak ngai poimawhin kahdocolh hminkhen zotu siseh, hminkhen hrih lotu pawlkom pawl ih telpinak par ah kan lungawi ngaingai. A zalen mi rampi phungdaan thlun in remdaihnak hrang hmalaknak kan nei vivo ding” a ti.

SAC ralhraang Kepawkin Union Day ah Tlangpar hriamkai pawlkom 11 an tel ti a si ih cupawlcu a hmin men remdaihnak hrang SAC ralhraang thawn thureltlangnak an nei tiah theih a si.

SAC ralhraang tlonin Union Day ih telve kahdocolh hminkhenzotu Tlangpar hriamkai, pawlkom cu Karen National Union, KNU/KNLA – Peace Council, Democratic Karen Buddhist Association, New Mon State Party, Arakan Liberation Party, Lahu Democratic Union le Restoration Council of Shan State tipawl an si.

Union Day ih telve SAC ralhraang thawn kahdocolh hminkhennak nei hrih lotu cu United Wa State Army, National Democratic Alliance Army, Union League of Arakan (ULA/AA) le Shan State Progressive Party
tipawl an si.

Rampi cozah dinhmun in leitlunpi le pawlkom dangdang theihpitnak beiseizettu SAC ralhraang cu a uangaw zet ih, Union Day telpitu Tlangpar hriamkai pawlkom pawl thu le Union Day nipi hman dan tipawl cu mirangca rori thawn ngan terin online ah nasaten an theh darh. Kawl ca lawng ngan ṭheutu Ralhraang lamṭang media tivek tiang khalin cui mirangca cu online ah an theh darh ve nasa.

Leave a Reply

Your email address will not be published. Required fields are marked *