Putin in Steven Seagal cawi sang, “Order of Friendship” award a pe
Russia ram hrang hnaṭuan ṭha palai pawl lawmnak an pe ṭheu mi “Order of Friendship” award cu Russia President Vladimir Putin in US ram mi lemcangthiam hminthang Steven Seagal a pe.
US le Japan hrang Russia palai a ṭuan mi par ah Putin a lungkim tuk ih February 27 ah “Order of Friendship” award a pe ti`n Russia state media in a tarlang.
Steven Seagal le Putin cu rual ṭha an si ih ngaisanawknak maksak an nei veve. Steven Segal tla cun nungdam lai leitlunhuap hruaitu lakah Putin a ropi bik tiah a rak porh nasa ih, Putin khalin 2016 ah Russia rammi sinak a rak pe ve.
Kum 2021 ah Pro-Kremlin party ah a lut ih, Russia in Ukraine a luhcilh hnu, kan dung kum ṭhal lai ah Russia kutsung ih um Ukraine ram a vehvai ih cuih ṭum ah Russia hmanfung ralkap hotu thawn tongaw in hmunram pawl a haal.
Putin gives Steven Seagal Russia’s Order of Friendship https://t.co/8gGTQlJLgP pic.twitter.com/HQA5sWwHfb
— The Hill (@thehill) February 28, 2023
Steven Segal hin Russia hotu Putin a ngaisan dan hi a thupaw lo nasa ih, Kum 2014, Russia in Ukraine a luhcilh ṭum khal cu thil awmang a si ko ti tiang in a rak rel dah.
Putin thawn naivai zetmi a si ruangah kum 2017 ah Ukraine ram in kan ram hrang mi tihnung a si ti`n kum 5 sung ramsung luh an kham a si.
