Riit theih Siivai phurtu Laileng vate an kai

Bag fate thawn riit theih siivai (crystal meth) phurtu Laileng vate cu Canada, British Columbia, Abbotsford thawng-inn tual hmai ah an kai.

Pacific Region for Union of Canadian Correctional president John Randle in Global News hnen ah hitin a rel. “Bag fate phur Laileng kan hmu ih Thang kan kam hnu ah kan kai”.

“Hivek thil phur thup nakah Drone an hmang ti cu kan thei ṭheu nan, rannung kherkher an phurter mi cu kum 10 luan ka hnaṭuan sungah atu voikhat ka hmuh nak a si” tiah a ti.

Riit theih siivai cu gram 30 hrawng a si ih hih thu thawn pehpar in Royal Canadian Mounted Police (RCMP) in zirzoinak an tuah a si.

Siivai phurtu Laileng cu 2023 December ih kaih mi a si nan kan dung zarh lam lawngah thuhla cipciar an phuang a si.

Leave a Reply

Your email address will not be published.