Nepal Vanzam tlak mi Co-Pilot Anju Khatiwada ih sun mang cu thimzing in a khuh hlo

A sun mang a tak ih cang suak dingin Ke kar khat fang hrawng lawng duh ah Nepal Vanzam mawngtu Anju Khatiwada (Co-Pilot) nunnak cu a cem ta mei.

Amah hi January 15 Nepal Vanzam tlak mi Yeti Airline ih Co-Pilot a si ih Vanzam a ṭum veten Chief Pilot ah a sinak khai sang ding mi a si.

Asinan an ṭum nak ding Pokhara Airport thlen hlan ah vanduainak tong in, an Vanzam to mi cu tlak siat in minung 60 luan an thi.

A thuanthu in mipi lung a tham zet nak san cu a pasal hi Yeti Airline ah vanzam rak mawng ve a si ih 2006 ah vanzam ṭum nak thlen hlan ah vanduainak tong in a nunnak a cem ve.

A pasal in a thih san hnu ah a Lu khawn man paisa te thawn Vanzam mawng a zir ve ih, a pasal hnaṭuan duhbik Vanzam Chief Pilot sinak a ngah zik fangah a nunnak a cem a si. Anju Khatiwada in fapa kum 7 mi a tanta.

Nepal Vanzam tlak lai fang, a sung lam ihsin zukmi FB Live video a puut darh

January 15 Nepal vanzam tlak ah a mawngtu le vanzam par hnaṭuan pawl telin minung 72 an to.

An zaten thi thluh ding ih ruah a si nan miruak 68 lawng an hmu thei.

Nepal ah vanzam cangsualnak a um thei zet ih, nikhua sia ruang ih tlak an si tlangpi nan tuṭum ih vanzam cu nikhua ṭha cing in rinlopin a tlak mi a si.

Nepal cozah in Vanzam tlak nak san zirzoi dingin vanzam par aw-khum-nak le flight data recorder pawl an la suak thei zo ih, ni 45 rei hrawng ah thuhla felfai an suah thei tum a si.

Leave a Reply

Your email address will not be published.