Kan theih tengteng ṭul mi Chin Thantar Sullam le a rong cekci hmang dan
Leitlunhuap ah rampi maw, State zawng in maw, Thantar neih tlangpi a si ih kan nih Chin phunhnam khalin Thantar kan nei nan kan Thantar sullam na ruat dah ngelcel maw?
Na thei dah lo a si le …. tanglam ah khuahlan upa pawl rel ṭheu mi Chin Thantar sullam pawl ciangten rak zoh aw.
Chin Thantar Sullam
Chin Thantar ah rong cii dangdang telin Arsi sikua le Vapual zuk a tel ih cupawl in duh san an nei fingfing.
Duh san an rel dan hi phun dangdang in a um nan Chin phunhnam thu theitu upa tamsawn cun hitin an sim tlangpi.
1. Rong Hring (Green) cu a hring dildel mi Chinram hmuhsaknak a si.
2. Rong Sen (Red) cun huaisennak/ralṭhatnak a khihhmuh.
3. Rong Pol (Blue) cu mah le mah zumawknak langtertu a si.
4. A laifang ih rong var cu thianghlim Chinram tinak a si ih a thianghlim tuk taak ah “Virgin Chinland” tikhalin ṭongṭhimnak ah khuahlan pupa pawl in an hmang ṭheu.
5. Arsi Sikua cun Chin State ah township 9 a um mi a khihhmuh ih Vapual zuk cun rinumnak a langter hlei ah kan phunpi vate a si.
Chin Thantar ih Rong pawl
Thantar kan tuah kan hmang tikah midang vekin a rong cekci hman theih hi a ṭha bik ih, kan nih Chin Thantar rong hi teh ziang rong cekci a si?
Rong pawl kan koh dan hi a tlangpin Hring, Sen, Aire tivekin kan sim ṭheu nan cuvek cekci si lo a rong dal deuh rong dup deuh tivekin a phunphun a um.
Cumicu internet cahmai ih kan hmang tikah a cekci rori a rong tuah dan a um ih kan nih Chin Thantar khalah hmang tlangpi thei sehla a duh um zetmi rong cekci a um ve.
CNO/CNDF in Chin Thantar rong (Hring,Sen,Pol) a hmangmi siseh, Internet cahmai wikipedia ih ret mi le Chin Thantar hmangtu mi dangdang rong hmangmi kan zoh ciang tikah a cekci in a bangawmi pakhat hman a um lo.
Curuangah hmailam ah Chin Thantar kan hmang tikah dikten kan tuah thei nak dingah Leitlunhuap Thantar rong pawl zohhliahtu “FlagColorCode” tarlangmi Chin Thantar rong hex codes cu a tanglam ah kan tarlang si.
1. Rong pol – #2042A1
2. Rong sen – #DA2D1C
3. Rong hring – #006E3B
4. Rong Var – #FFFFFF
5. Rong aire – #E6E631
Hminsin : Rong cekci hminsin dan hi a phunphun in a um ih a tu kan tarlangmi cu zuk tuahtu hmang tlangpi mi rong cekci hminsin dan a si. Hinah hmet …. Flag of Chin State Color
