India ram ih Thawngtlak Kawlrammi mi 3 tlan suak

India ram, Manipur, Churachandpur district ih Thawngtlak Myanmar rammi mi 3 pawl cu January 22 ah an khumnak Thawnginn ihsin an tlansuak tiah Thawnginn ṭuanvoneitu pawl in India media hnen ah an sim.

Thawnginn ṭuanvoneitu pawl in Thawngtla pawl zohfelnak an nei caan, zianglam nazi 8 hrawngah Thawngtlak 3 pawl um nawn loin an tlan hlo zo tiah an sim.

Cuih mi 3 pawl cu WinMintay, kum 28, Win Naing Thun, kum 27, le Biaka, kum 17 tipawl an si ih, atu ah an umnak theih a si lo. Palik in an hawl rero laifang a si.

An pathum in Daan lo in India ramsung lut ruangih kaihkhih mi an si ih kum kim lo Biaka cu March, 2022 ih kaihkhihmi a si. WinMintay le Win Naing Thun cu April 2021 ih kaihmi an si ih an pathum in Imphal thawn km 65 hrawng hlat nak hmun Sadbhavna Mandap, Khominthang, New Lamka khua ih hren khih mi an si.

Kawlram boruak a sia hnu-2022, June thla tiangah Manipur palik in Churachandpur district kiangkap ah Kawlrammi mipum 80 lenglo kaihkhihmi an nei ih cumi ah mipa 25, nunau 35 le nauhak 20 pawl telin mi 2 cu an kutsung an um lai ah an nunnak a cem tiah theih a si.

Leave a Reply

Your email address will not be published.