India-Myanmar ramri ah Chin raltlan tampi an kai

Nauhak 10 lenglo le kum upa telin Myanmar raltlan mipum 81 cu India ram, Manipur, Tengnoupal district, Moreh peng ah Manipur palik le ralkap pawl in an kai.

An kaih mi Myanmar raltlan pawl cu Moreh palikzung ihsin km 7 hrawng hlat nak hmun, New Salbung le H Lhangcham khua kiangkap ih um an si ih, section 14 Foreigners Act thubuai vuah in lai rel sak ding an si.

Kaihkhihmi raltlan le ramdangmi hrang liolio ah Foreigner Detention Centre innpi tawlrel sak dingin ramkulh cozah in thu a suah ih thuṭhenzung lam ihsin siannak an ngah veten cuih hmun ah ṭhawn ding dinhmun an si.

Hih thu thawn pehpar in tualsungum mipakhat cun “buainak le thil ti sual nei ruangah si hran loin India ram ah daan loin luttu ramdangmi dinhmun in an kai mi a si.”

“Kum upalam an tel ih naute hnawifawhlai khal an um. Cun, ramri ih um Chin mi raltlan tamzet an tel” tiah local media hnen ah a rel.