ZRA in CDM lut khawmi 3 an kai ih nasa zetin an hrem

ZRA ralkap in Tedim peng Cingpikot khua ih CDM lut Tlawng saya 2 le CMD lut palik pakhat cu June 19 ah kut dunglam hren khih in an kai tiah theih a si.

ZRA ralkap hi 12 hrawng an si ih an kai mi CDM lut mipathum pawl cu thlanmual lam ah hruai in khua leng an thlen ah meithal zun 5 lenglo an kap ti`n khawmi pawl in an rel.

Khawmi pakhat in “kan dung zarh lam ah Tlawng sayamagyi le nu le pa an tongaw. CDM tuahtu an tam ruangah Tlawng on a remcang thei lo ih Tlawngphit dingin thuthluknak an tuah. Cuvek boruak a um ruangah CDM lut pawl mawhpuhin an ra kai mi a si thei” tiah amahcun a rel ih “zaanlam nazi 6 hrawngah an thlah sal” a ti.

ZRA ralkap pawl cun khawmi pawl cu an thlah sal nan nasaten an hrem ta hlei ah an phone pawl an lak sak. Vuakvelhnak ruangah mawṭaw cycle khal ṭhiṭha in an to thei lo. Dunglam ihsin kai cawp an ṭul ti`n khawmi pakhat in a rel ve.

“Nan mah ruangah Tlawng an ong lo. Lo that ding ai ah nan phone kan lo lak sak. Thlacem hlan ah khua suahsan tengteng uh. Culo asile kan lo that ding tikhalin an hringhro” tiah khawmi cun a ti.

ZRA cu ralhraang Tlawng on thapetu an si ih Tlawngkai hnaihnoktu siseh, Tlawnginn cozahzung tivek siatsuahtu cu SAC cozah thawn pehzomawin hremnak kan pe ding tiah thu an rak suah dah a si.

Leave a Reply

Your email address will not be published. Required fields are marked *