Vakok CNDF ih Poihruak Bawmdilnak Thu Than

Atufang, Lairawn ih ralhraang do rerotu CNO/CNDF hnuai ih um Vakok CNDF cun doawknak a um peh vivoding zum a um ruangah humvenawknak hrang an ṭul poimawh zet thu, mipi an sim thei.

“SAC ralhraang thawn kan doaw rero ih, doawk peh vivo ding zum a um ruangah mipi hnen ah humvenawknak bungrua hrang bawmnak kan lo dil.”

“Nunnak thap in Dothlengnak a hlawh tling hlan tiang ral kan do ding. Curuangah mipi hnenah upatnak sangzet thawn bawmnak kan lo dil” ti`n Vakok CNDF cun April 25 ah Poihruak Bawmdilnak thu an than.

Pehtlaihnakding FB cahmai …..

Siarbet : Lairawn doawknak ah Ralhraang SAC ralkap 5 an thi

Sagaing ramṭhen, Thlanglam Kalay, Natchaung khua kiang ih ziinpi zawh ngamlo ralhraang ralkap pawl cu CNDF (VAKOK) le ပ.က.ဖ ralkap pawl in an rak kap ih a hmun rori ah ralhraang ralkap 5 an thi tiah theih a si.

CNDF (VAKOK) ṭuanvonei mipakhat in media hnen a sim dan ah SAC ralkap hi thazaang 25 hrawng an si ih nazikhuai hrawng an kapaw.

April 24, zinglam nazi 10 hrawngah Ziinpi zawh ngam loin hramlak ihsin an feh lai cu an rak bawh cia ih an rin lo lai ah an kap ih a hmun ah ralhraang ralkap 5 an thi tiah CNDF (VAKOK) ṭuanvonei mipakhat cun KTM hnen ah a sim.

“Natchaung saklam ah ဝါးပုတ်ကြီးချောင် timi hmun a um. Ralhraang pawl cu hmun 3 in an ra ih cuih hmun lam a ratu 25 hrawng an um. Kan rak bawh cia ih kan kap, a hmun ah 5 an thi. Kan lam hriamtuar umloten dung kan siip thei saal” tiah amahcun a ti.

Ralhraang SAC ralkap pawl cu ziinpi ah bomb kammi a um ding an phang ruangah hramlak an zawh ih, culaifang ah hriamkai ṭangrual pawl in an rak kap a si.

“Doawknak cu nazikhuai hrawng lawng a rei ding. Kan rak bawh cia ih in hmu lo. Kan umnak Natchaung, Chaungkhuah lam cu ralhraang pawl ziinpi direct in an zawh ngam lo. Bomb kammi a um an phang ruangah ziinheelin Lam an thian phah. Culaifang ah kan bawh ih kan rak kap mi a si” tiah CNDF (VAKOK) ṭuanvoneitu cun a ti.

Leave a Reply

Your email address will not be published. Required fields are marked *