Tlangzar doawknak ih CDF ralkap an thih thu cu CDF – Thantlang in nemhnget

May 5, Tlangzar doawknak ih CDF ralkap 3 thih thu ah Official in thusuahnak a um si lo ih a dik teh a dik ngai pei maw ti`n mipi lam ihsin thusuttu an um lai ah, Chinland Defense Force – Thantlang cun an ralkap 3 an thi thu, Official in an phuang a si.

Tlangzar doawknak ah CDF Thantlang ihsin ram le miphun hrang nunnak hlantu ralkap 3 pawl cu Salai Dawt Tha Cung, Salai Thawng Tha Peng le Salai Tha Hlei Sang tipawl an si.

Tiamkammi vekin ram le miphun hrang nunnak an hlan mi par ah CDF Thangtlang in asangbik upatnak a pe ih “nan duh thusam vekin nan ralkappi pawl in ralhraang kan neh hlan lo le Federal ramkom sersuah a si hlan sung cu ral kan do vivo ding”
ti`n CDF Thantlang in suunnak capi an suah mi ah an ngan telin “tantami innsang thawn bangranin kan tuarpi ve” tiah an tarlang a si.

Tuzing, Falam peng, Tlangzar doawknak ah CNA, CDF le CNDF kopaw in ralhraang ralkap an do ih mipi ralkap lam ihsin mi 9 an thi tiah theih a si.

CDF Thangtlang ihsin ralkap 3, CNA ihsin ralkap 6 pawl in ram le miphun hrang nunnak an hlan tiah thuthang a suak nan, atu ca kan ngan tiangah CNA in thuthannak zianghman a nei hrih lo.

Leave a Reply

Your email address will not be published. Required fields are marked *