Tiva ih tla that Pa Dam Lian Thang ruak an hmu zo
Kalaymyo thlanglam, Tharyarkone khua kiang tilian ih tlak, Pa Dam Lian Thang ruak cu tuni July 7 zaan lam nazi 3 hrawng ah an hmu sal zo tiah kan thei.
Amah hi innsang nei zo, pacangno kum 28 mi a si ih July 6 ah Falam peng, Munpi khua ihsin Kalaymyo a suk lam ah vanduainak a tong mi a si.
Siarbet : Mizoram ah raltlan Chinmi Tiva ah tla that
Tuni, July 7 ah Mizoram, Dapchhuah khua kiang Tiva an tan lai ah Salai Van Ro Sang tipi in a fen hlo.
Amah hi Matupi peng, Ngalai khawmi a si ih Mizoram ah raltlan dinhmun ih khawsa a si.
Hnahthial raltlanbuuk ihsin Dapchhuah khua ah hnaṭuan dingin a feh lai ah vanduainak a tong ih, zaanlam tiangah a ruak an hmu hrih lo ti`n thuthang kan thei.
Tufang hi Furpi a si ih Ti lain in Ti tha a cak ruangah Tiva kan kaan tikah fimkhur ralringten cangvai cio tum hram uh si.
