Thuhlapi Theihternak : Falam-Kalay Lamzinpi Phit Sung

Chin National Organization/Chin National Defense Force in Kalay-Falam zinpi zawh hrih lo dingin khuatlang mipi thu an than.

Tuni, June 27 ah emergency thuthannak an nei mi a si ih ziangtik tiang an phit ding timi cu tarlang a si lo.

Rinlopin Kalay-Falam zinpi an phit nak san cu ralhraang ralkap pawl Chin ram pan in an kaiso ruangah a si ih, tu ni June 27 ihsin lamzinpi an phit thok.

CNO/CNDF thusuahmi ah “SAC ralhraang pawl June 27 ni ah Kalay ihsin Laitlang lam an kaiso ruangah mipi pawl Kalay-Falam lamzinpi zawh hrih lo dingin kan lo theihter” tiah an tarlang a si.

Ralhraang ralkap ziangzat hrawng an si? khawi tiang an feh tum ti cu theih fiang a si lo nan, ramsung hrambun media ṭhenkhat tarlang dan ah ralhraang phur khat thluh mi mawṭaw 5 hrawng an si ti a si ih, tuzing nazi 7 hrawngah KhaiKam gate ihsin an fehsuak tiah theih a si.

Ralhraang ralkap pawl Laitlang an kaiso tikah mi inn siat sak le thil fir in an khawsa hlei ah thuhla umhruthra loin inn tampi an urkaang zo a si.

Leave a Reply

Your email address will not be published. Required fields are marked *