Thantlang khuasung in Meithal puak thawm a thang

Kutzung ih siar theih khua hngaktu le rannung pawl lawng khuasa thlangnak Thantlang khuapi ah tuizing september 27 ah meithal puak thawm a thang tiah theih a si.

Khua naivai ih um mipakhat cun “nidang khalah meithal thawm kan thei ṭheu nan tuizing ih meithal puak thawm cu khuasung rori ihsin a suak mi si`n kan thei. Zinglam 11 kim zik hrawngah a si ih minute 20 hnak ih rei meithal puak thawm kan thei. Zo pawl an kapaw ticu ka sim thei lo” a ti.

SAC ralhraang pawl in meithaltum thawn khuasung an kap hnu, September 18 ihsin thok Thantlang khuami pawl cun Inn le Lo suah san in beu nak an hawl thok.

Ramsung media picang ṭhenkhat cun September 27 tiangah khua hngaktu an um nawn lo tiah an tarlang nan khua luhnak ih um mipakhat cun minung 8 an um lai tiah The Chin Journal hnen ah a sim.

Amahcun “Inn khat ih finawtu mipum 3 le inn dang pakhat ih finawtu mipum 5 an um ih an zaten khuasung ngaingai ih umtu mi 8 an si” a ti.

Thantlang khuasung luhnak hngakṭah tlawng khalah mipum 20 hnak ih mal lo an um ih, cumi pawl thawn Thantlang ah minung 30 hrawng an um tiah theih a si.

Siarbet : ….

Sui Thantlang khualipi cu a ṭhing in a ro riapri

Leave a Reply

Your email address will not be published. Required fields are marked *