Thantlang khuasung ah inn 10 luan a kang

September 18 ah SAC ralhraang pawl ih meithaltum kap mi cun Thantlang khuasung ah kangmei a suak ter ih atu ca kan ngan tiangah inn 10 hnakih mallo a kang zo tiah kan thei.

“Tuhrawng kan kiangkap boruak a sosang zet ih ralkap pawl an cangvai dan a hraang sinsin. Tukhalhi meithaltum in khuasung an kap ih Bangla veng ah inn a kang.”

“Inn 10 lenglo a kang ih meithat pawl le an um lo tikah mipi thazaang suah in theitawkten mei an phal rero si ko” tiah khuasung um mipakhat cun a rel.

Inn a kaang veten meithatzung lam an pehtlaih nan, zung ih hnaṭuantu sungkhat naivai meithal thawn kahngahmi a um ruangah an ra thiam lo ti`n khuami pakhat cun a rel.

Himi meikang ruangah hriamtuar, khawngaw le mithi an um le um lo cu kan namhnget thei lo a si.

Leave a Reply

Your email address will not be published. Required fields are marked *