Thantlang khuasung ah CDF ralkap pakhat an kap that

Tuni, April 12 zaanlam nazi 6 luan hrawngah SAC raalhraang in sniper hmangin CDF ralkap Salai Tum Kio Cung an kap that tiah theih a si.

Kaphnih doawknak a um hran lo nan ralhraang SAC ralkap in hmun hla ihsin sniper thawn an kap tiah khaw mi pawl in an sim.

Sun nazi 2 hrawng khalah Thantlang khuasung humvennak an tuah lai ah ralhraang SAC ralkap in sniper thawn an kap ih CDF ralkap pakhat hriam a tuar.

A khuk ah an kap ngah ih cerek in a ruh a dai ban lo ruangah har tuk loin cerek an phorh suak zo tiah theih a si.

Zaanlam hnu ih an kah that mi CDF ralkap Salai Tum Kio Cung cu kum 18 te lawng a si lai.

An kah nak hmun cu Khuasung JMBC biakinn kiangah a si ti`n TCP in a tarlang.