SAC ralhraang in Thantlang innkaang thu ah CDF mawh puh

January 3 ih Thantlang inn pawl a kaang saalmi thu thawn pehpar in SAC ralhraang cun hriamkai CDF pawl mawh an puh ih, cuih ni ah inn 13 an urkaang tiah thu an suah.

January 3, zaanlam nazi 2 hrawngah hmunram kilvengtu SAC ralkaprual cu CDF ralkap thazaang 25 hrawngin Thantlang No.2 vengah an rak kap tiah SAC ralhraang cun thu a suah.

Minute 15 hrawng kahdonak a suak hnu ah CDF ralkap pakhat thiin BA-63 meithal pakhat le cerek pawl an lak ngah thu siseh, dungsiip saaltu CDF pawl cun inn an urkaang ih inn 13 a kaang ti`n thusuahmi ah an ngan telih “mikaptu hriamkai pawl kai thluh dingin hmunram kilvengtu le ralkap pawl hmalaknak an nei rero” tiah thu an suah.

SAC ralhraang lam cun kumthar hnu ih avoikhatnak Thlangtlang inn pawl a kaang saal thu ah CDF mawh an puh nan, SAC ralhraang cangvaihdan naivaiten kan thlir ringring titu Chin Human Rights Organization cun ralhraang SAC ralkap kut ihsin a kaangmi a si tiah thu an suah ve.

Cuhleiah, September 9 ihsin kumthar tiangah ralhraang kut in inn 727 a kaang zo ih, cumiah biakinn 7 a tel ti`n CHRO cun thu an suah ih “Thantlang kiangkap ih umhmun khuartu ralhraang LID 66, LIB 269, LIB 11, LIB 222 ralkap pawl in a him laimi Thantlang inn pawl khal, a ni maw! a zarh sungah maw! an kaangter lala thei” ti`n thu an suah.

Leave a Reply

Your email address will not be published. Required fields are marked *