Thantlang inn kaang thawn pehparmi Netabik Thusuak

Thantlang khuasung ah November 24 zaanlam in inn a kaang saal ih tuini tiangah Thantlang Centenary Baptist Church (TCBC) Biakinn telin inn 40 luan a kaang tiah theih a si.

Thantlang khua cu thla 2-3 sungah voi 5 hnakih mallo a kaang zo ih, tuṭum khalhi tuhlan vekin SAC ralhraang kut ihsin a kaang saal tiah khua thawn a naivaitu pawl in an rel.

Khuasung mino hruaitu pakhat cun doawknak a suak ih SAC ralkap in meithaltum an kap hnu, zaanlam 3 luan hrawngin Zunghmunveng ihsin inn a kaang thok tiah a rel.

Amahcun “Zunghmunveng ah inn 36, Cun, zaanlam 6 luan hrawngin palik sakhaan dunglam inn 10 hrawng, zaan 11 hrawngah စိုက်ပျိုးရေး veng ah inn 3 ti`n inn 49 a kaang. Tuṭum hi voi 6-7 a kaang nak a si. Kaangmei cu a mit zo nan, meikhu a suak rero lai” tiah Khonumthung hnen ah a sim.

Khuasung a kaang mi cu ralhraang SAC ralkap pawl ih meithaltum kap ruangah a si thei ih, zaan thim hnu ih a kaang bet mi cu meithal thawmvang a um nawn lo tikah ralkap pawl in an khang bet hrimmi a si thei tiah a mah cun a rel bet hrih.

Inn 2500 hrawng umnak Thantlang khuapi cu ralhraang SAC ralkap kut in September thlathok hrawngin a kaang ṭan ih, a khaatkhaat in voi 7 a kaang hnu, tuini tiangah biakinn 3 telin inn 250 luan a kaang fai zo tiah theih a si.

Leave a Reply

Your email address will not be published. Required fields are marked *