Tedim ih Palik 3 thih thu ah SAC ralhraang in thusuahnak a nei

Chin ramkulh, Tedim khuasung Economic bank hmai ih palik pathum kah that tuar thu ah SAC ralhraang in thusuahnak an nei ih CDF cangvaihnak a si tiah mipi humhimtu ralkapbu an puh.

August 25 zinglam ah Tedim Economic bank hrang humhimnak ṭuanvo latu palik 3 cu zo a si ti theih lomi miṭhenkhat in meithal thawn an kap that tiah theih a si ih kiangkap naivai ih um pawl cun mawṭaw cycle thawn an tlan cih tiah an rel.

Tedim Economic bank hmai ah Palik 3 an kap that

Cuih thu thawn pehpar in SAC hraang lam cun “bank kiltu meithal an long ih paisa Kyat ting 388 luan an tlanpi”.

“Paisa suah tum vekin pangaiten bank ah an feh ih hmun le hmun rorin palik pawl cu an kap that. Himi cu CDF cangvaihnak a a si” ti`n ralhraang pawl cun thu an suah a si.

Cuih tlun ah meithal keng pawl cun palik an kap that hnu ah bank sung ih CCTV le computer pawl an kap siat ta tiah thu an suah tel ih thilsual tuahtu kai thei lohli dingin hmalaknak kan nei rero tiah thu an suah a si.

Leave a Reply

Your email address will not be published. Required fields are marked *