Tedim peng, Laitui kiang ih bomb puak mi cu CNA ralkap an puh

2022, May 2 ah Tedim peng, Laitui khua kiang ah khawmi pahnih in bomb an pal puak pang ih pakhat a thi. Cuih Lei phum bomb cu Saklam Laitlang thuthang ṭhenkhat in CNA ralkap pawl kam hrim mi a si ti`n an puh.

Bomb pal ngahtu cu Laitui khawmi Pu Thang Lian le Pu Suan Lian an si ih, an khua kiang Lentang mual ah Sia hlo an hawl lai ah vanduainak an tong ih Pu Thang Lian cu a hmun rori ah a thi.

Pu Suan Lian khal hriam besia a tuar ruangah Mizoram ah tuamhlawm dingin an sopi lohli tiah theih a si.

Bomb an pal puak mi thu thawn pehparin Saklam Laitlang Media ṭhenkhat cun CNA an puh ih “SAC ralkap lal nak hmun sicingin CNA ralkap in check gate an tuah ih sumdawng pawl paisa an khong ṭheu.”

“Cuhleiah mipi feh ṭheu nak hmun a si ti thei cingin bomb an kam hrim. Bomb kammi cu Sia hlo hawltu Laitui khawmi 2 in an pal ngah ih mi pakhat a thi” ti`n an tarlang.

Tu hlan ah bomb an kam nak hmun kiangkap ah CNA telin hriamkai ṭangrual pawl le ralhraang SAC ralkap pawl an rak kapaw dah nan, atui bomb puak mi cu zo pawl kammi a si ti felfaiin theih a si lo.

Cuti cingin saklam Chinram media ṭhenkhat in CNA le hriamkai dangdang an puh cu huatawknak ciikhat ruang men ah a si ti`n zumnak a um.

Bomb an kam hrim tiih thuthang thehdarhtu media pawl cu kan dung kum, Moses Kim Tuang hloh thu ah thuthang diklo rak thehdarh nasatu pawl an si.

Leave a Reply

Your email address will not be published. Required fields are marked *