Tedim Economic bank hmai ah Palik 3 an kap that

Chin ramkulh, Tedim khuasung Economic bank hmai ah palik pathum meithal thawn an kap that tiah theih a si.

August 25 zinglam ih thilthleng a si ih kap thattu theih lomi palik 3 hi bank humhimnak hrang ih ṭuanvo latu pawl an si tiah khuami pawl in an sim.

“Zinglam nazi 11 hrawng ah an kap. Palik pawl hi bank kiltu an si. A kaptu hi mipakhat lawng a si lo. Mawṭaw cycle an to” tiah khuami pakhat cun a rel.

Hram ṭhenkhat cun a kaptu hi pistol keng mi 4 an si ih bank counter par ih paisa ret mi an la cih tiah an tarlang a si.

Himi boruak a suak hnu reilote ah Kalaymyo ihsin Laitlang lam ah ralhraang Helicopter a kai so tiah kan thei.

Leave a Reply

Your email address will not be published. Required fields are marked *