Sui Thantlang khualipi cu a ṭhing in a ro riapri

Chin ramkulh, Thantlang khuami pawl cu ralkian dinhmun in khuapi an suah san deuh thaw thluh ih khuasung cu ṭhing riapri in enkoltu neilo rannung ṭhenkhat lawng an vak an tawi.

Zawnruahnak nei lo SAC ralhraang pawl in ralthuamtum thawn khuasung an kap hnu a nilitnak ah minung 10,000 lenglo khuasanak Thantlang khuapi ah innsang 3 lawng an tang tiah theih a si.

“Khuadang tlangdang ah sungkhat unau ṭha kan nei ruangah kan tlan mi a si lo. Kan nunnak hrang tiang ṭih a nung thlang. Curuangah, ruahsanding neimal hman ningla kan nunnak te tal a him thei pangah ti`n kan neih sun Inn le Lo tlansan in khua kan suahsan hi a si” tiah ralkian dinhmun in Thantlang khuapi suahsantu mipakhat cun a rel.

August thla hrawngin Thantlang ah kahawknak theih ding a tam ih cuih ṭum in khuami mimal cun khuate/hmundang pan in himnak an hawl thok.

Thantlang khuasung ah inn 10 luan a kang

“Khuasung um zate deuh thaw cu September 18 ih thilthleng ruangah khua kan suahsan mi a si. Khuasung kahdonak a suak ih SAC ralkap pawl in meithaltum thawn khuasung an kap. Inn 19 hrawng a kaang ral” tiah ralkian mipakhat cun a rel bet hrih.

SAC ralhraang pawl cun kaangmei an ti suak ih meiphal tumtu Pastor pakhat an kap that hlei ah a phone le nazi telin a kut zungnauum ih kutsih zungbun an phong thei lo cu a zung an tan sak tiah report a um.

SAC Ralhraang kut tuar in Pastor Cung Biak Hum mual liam

Chinram hrambun meidia ṭhenkhat ih tarlang mivek a si le tudinhmun ah Thantlang khuahlumtu cu mipum 30 hnak ih mal lawng an tang ti a si ih, tui ni September 21 ih Covid mina a thi mi mipakhat ruak khal Hakha Township Public Health Care & IDPs management Commitee in an va phum sak tiah theih a si.

Leave a Reply

Your email address will not be published. Required fields are marked *