Siizung, Siikhaan feh duh pawl hrang alak in bawm nak pe

Falam Health Service in damlo ruangih Sii-khaan, Siizungpi feh duh pawl hrangah sukso phurhthiarnak a lak in an bawm tiah theih a si.

Nazi 24 sung pehtlaihtheih an si ih Khuasung Sii-khaan piah duh le Siizung lam pan duh hrangah Suksonak TungBing mawṭaw man cu a lak in an bawmmi a si.

Cuihtlunah Falam ihsin Hakha, Kalay le Yangon ih piah ṭulmi pawl hrangah Ks. 10,000/- tiang bawmnak an pe thei ih Falam ihsin Laikhua lam ih mithi phurhthiarnak hrang khalah Ks. 10,000/- tiang bawmnak an pe thei tiah theih a si.

Falam Health Service in tlangthannak an nei mi ah “Falam ih Sii-khaan (Clinic) le Siizungpi piahnak ah sumpai harsa pawl hrang Ks. 10,000/- tiang kan bawm thei” tiah an tarlang ih pehtlaihnak ding cu ..
Dr. Run Bik Taiṭhio (09-790500587)
Salai Tawk Ceu (09-459598030)
Salai Obed Sui Lian Hre (09-400305507) pawl hnen ah nazi 24 sung pehtlaihtheih ringring an si.

Leave a Reply

Your email address will not be published. Required fields are marked *