CNDF ralkap pakhat kan Can leh ta

Chin National Defense Force (CNDF) ralkap, Salai Lal Ro Pui @Puia (kum 23) cun March 17 ah a duhdawt mi ram le miphun hrang hmai nor in a nunnak a pe.

Kalay Thawnginn buainak boruak ah kan mitthli hman a hul man hlan ah CNDF ralkap pakhat cun Rihkhawdar doawknak ah in cem san a si.

SAC ralhraang do phahin ram le miphun hrang nunnak hlantu Salai Lal Ro Pui @Puia (kum 23) thih thu ah CNDF in a hnuailam bangtukin Suunnak Capi an suah.

Rihkhawdar doawknak ih nunnak liamtu Salai Lal Ro Pui

Suunnak Capi (6/2022)
March 17, 2022

Chin National Defense Force (CNDF) ralkap, paralṭha Salai Lal Ro Pui @Puia (kum 23) cu 2022 March 17 ni ah amah ih tiamkamnak a tuah vekin, ram le miphun dothlengnak hrang Chin Ramkulh, Falam Peng, Rihkhawdar khua ah Chin mipi humhim dingih raldo phahin ram le miphun hrang a nunnak a hlan a si.

Miphun dothlengnak hrangih a pumpek-awknak parah CNO/CNDF in upatnak sangbik kan pe ih, tantami sungkua pawl thawn bangrep in kan tuar zet a si.

Chin paralṭha kan miphun ralkap Salai Lal Ro Pui, ram le miphun hrang na pum pekawknak le na ruahsannak pawl hi na tantami na ṭuanpi CNO/CNDF in kan hnglih dah lo dingih thahrum hmangin thuneihnak a cuhtu SAC ralhrang ralkap pawl an cimit ṭheh tiang kan run do ding a si tiah a feh liam zotu na ṭuanpi paralṭha pawl le na hmin sal in thu kan lo kam a si.

Leave a Reply

Your email address will not be published. Required fields are marked *