SAC Ralhraang pawl in Ṭaal khua Urkaang lala

Rialti, Thlanrawn le Ṭaal khua pawl an urkaang ruangih kan mitthli tlak hman a hul man hlan ah SAC ralhraang pawl cun tuizing October 25 ah Ṭaal khua an Urkaang lala tiah kan thei.

Hakha ihsin a ra kir saaltu SAC ralkap pawl in an urkaang mi a si tiah theih a si ih inn 10 an khaang nan inn hnih cu an phal man tiah khuami pawl in an rel.

Khuami pakhat cun “Kan dungbai ih meikaang rim hman a reh man hlan ah kan khua ih inn pawl in khaang sak lala. Kan khua hi ziangruangah hitin in hrem cuang sipei timi khal hi kan thei thiam thei lo” a ti.

SAC ralhraang pawl cun October thlalai hrawngih Hakha lam an feh phah ah Rialti, Thlanrawn le Ṭaal khua pawl an rak urkaang dah zo.

Atuhi thlakhat sungah Ṭaal khua voihnih an urkaang nak a si ih khuami pawl cu vansang mangbang in an um a si.

Leave a Reply

Your email address will not be published. Required fields are marked *