SAC ralhraang in Webula khua an luhcilh

Tuini June 30, zaan khua thim hlan te ah SAC ralhraang in Webula khua an luhcilh tiah kan thei.

Khua saklam/tlunlam in rinlopin an lutcilh mi a si ih thazang 50 hrawng siding zum a um thu khuami hnen ihsin thuthang kan dong.

“Tuhlan ni 3-4 hrawngin himnak hawl in khua suahsantu an tam. Tu ahcun khuasung ah kum upa le mino ṭhenkhat lawng an um. Atufang Khuasung dinhmun kan thei loih kaihmi an nei lo neilo khal kan thei hrih lo” tiah khuami cun a ti.

ကင်းမွန်ချောင်း lam khalah SAC ralhraang an lut ih meithal tla an hmet puak tiah khuami cun a sim peh hrih.

Tuhrawng, Falam peng ah mipi humtu raldo zirhnak a um ti`n thuthang a suak ih Ralhraang lam in hmunram thianfai dingin ralkap tamzet an thlah.

Nitin deuh thaw in Falam peng Zanniat ram ah SAC ralhraang cangvaihnak hmuh ding a um ih mipi humtu CNDF pawl khalin catbangloin an zoh thup ringring tiah theih a si.

Cuvek dinhmun kan si ruangah Falam peng ih khualtlawng suksotu hmuahhmuah cu Webula ziin lam zawhlo dingin bulpak khalin siseh pawlkom zawng khalin internet cahmai ah tlangthannak an nei a si.

Leave a Reply

Your email address will not be published. Required fields are marked *