SAC ralhraang in Thlanrawn Khuathar Urkaang thok

SAC ralhraang pawl in Falam peng Rialti khuapumhlum an urkaang hnu ah Thlanrawn khua thar inn ṭhenkhat an urkaang thok tiah theih a si.

Tualsungum mipakhat cun “Arualrual in Thlanrawn Khua thar an thleng ih inn an urkaang. Hmunhla ihsin a khu khal kan hmu thei. Meikhu suak dan ah innkhat hnak ih mal lo an ur ding a bang” a ti.

Chinram do dingih ra poktu SAC ralhraang rual cu October 9 ihsin Laitlang ah an kai thok ih Lamziintluan ah meithal kap phah in mipi an ṭhih phah vivo.

October 13 ah Falam peng, Rialti khua an urkaang ih tuizing October 14 tiangah biakinn telin khuapumhlum rorin an urkang zo tiah kan thei.

Atuah Thlanrawn khua thar an urkaang bet tiah theih a si ih innziat an ur zo ti cu theih fiang a si hrih lo. Khuami pawl cun thlacamnak thawn ṭanlapi dingin Chin mipi hnen ah an dilngen tiah kan thei.

Leave a Reply

Your email address will not be published. Required fields are marked *