Mi khihhmuh nakin Assam Rifles in India-Myanmar ramri ih ralthuam thupmi ṭhenkhat an kai

Kandung, March thlacem lam ih India-Myanmar ramri buainak boruak ah ramri kiltu Assam Rifles ralkap in India ramsung ih ralthuam thupmi ṭhenkhat an hmusuak thu theih a si.

Assam Rifles ralbawi pakhat cun “thuhla” kan dong vekin Zokhawthar ram sung ah “operation” kan tuah ih puak thei ralthuam retkhawmmi kan hmu tiah a ti.

Amahcun “Ramri ah Chin National Defence Force le Myanmar ralkap an doawk lai boruak ah a si ih meithal puaknak kiangkap in khih hmuh mi vekin Lilawn kiangkap ah special operation kan tuah lai ah kan hmu mi a si” a ti.

Ralthuam an hmumi pawl cu AK- 47 pakhat(Reg No. 36995), AK- 47 zianthunnak dawng 1 le cerek 38, 70mm DBBL meithal pakhat (Reg No. 70mm AB50MPO723), 70mm DBBL cartridge 11, zianthunnak dawng 2 tipawl an si ih zuk an suah mi ah buut le raldonak thuamhnaw ṭhenkhat a lang.

Kaingahmi ralthuam pawl cu Daan vekin hmalaknak nei dingah ramkulh palikzung ah an ap ti`n kan thei.

Leave a Reply

Your email address will not be published. Required fields are marked *