SAC ralhraang in Chin nu an kap that

Kalay peng, Pyi Taw Thar doawknak boruak ah ralhraang meithal hriam tuar in Nu Cing San Nuam a nunnak a liam.

Ralhraang le PDF doawk lai boruak ah a pasal thawn innsung ah an relh ih ralhraang ralkap pawl in voi 3 an kap ngah ruangah thi suak luan in a nunnak a liam.

Kum 32mi Nu Cing San Nuam cu a Kut le a Ke hmun 2 ah voi 3 an kap ngah. A pasal khal a el ah an kap ngah tiah theih a si ih, a nupi ruak cu an vui cih tiah tualsungum thuthang ṭhenkhat in an tarlang.

April 12 ah Ralhraang SAC ralkap in PDF Kalay sakhaan pakhat an la ih ralthuam phunphun an lak sak hlei ah Sakhaan pumhlum an urkang.

Curuangah PDF pawl in phuba lak saal tumin tuni April 13 ah an kap ih, Pyi Taw Thar khua ah zinglam nazi 10 ihsin zaanlam nazi 3 tiang hrawng an doaw tiah theih a si.

Leave a Reply

Your email address will not be published. Required fields are marked *